軟硬天師 - 好兄弟!!
好兄弟 前事不提誰沒有一起搶過玩具爭櫈仔
做兄弟 似對夫妻緣份一嚟然後一齊同渡安危
這首歌以上o既歌詞...令我諗返一個同我由細玩到大的一個老死..可惜!!
記得我同佢由83年開始一齊住係公屋..同一層樓...細細個一齊出"冷汗"踢波..
真係打架打到大.....間唔鍾吵架.....分開唔采.....但過一排又走返埋一齊.....真係.!!
但記得有一次...佢為左錢...做左d對我同我班friend唔住o既事.....我好"慶"..
最後我同自己講..."我唔會再當佢係friend...絕架!"
**其實當時我絕對認為係佢做得好錯..但現在回想..其實出來社會做事咁耐之後...
佢o既做法係好平常的事...原來自己係好小氣...**
由個日開始..我同佢足足3年都冇聯絡同見面......點知有一日夜晚..
我係條街見返佢...初頭唔知叫唔叫佢好...最後都同佢傾左幾句...交換電話...重諗住過幾
日搵佢出來飲茶.......但原來這次已是我同佢o既真正最後一次見面...
隔左一日...我睇報紙...我....見到佢上左報紙...佢因為一次工業意外...由4呎高失足跌下死亡...(真係得4呎先死)
我目瞪口呆.....上天安排真的要命....
佢o既屋企背景本來係小康之家..但因老豆出面有女人....因此變左有問題...
其實佢o既童年都係唔開心...好想自己係朋友面前成日"威"來麻醉自己.....
佢咁樣離開左個世界....係好事定壞事.....真係要問佢自己先知
其實我諗返起佢....我都係想同佢講聲"SORRY!! 對唔住..."
因為睇返現今社會...每個人做事的手法都不擇手段.....相比起佢做過的錯事...真係冰山一角咁細小..因為我小氣..當時唔識野...因而絕交3年...到最後個天安排我撞返佢..但最後只係同佢講聲 "下次出來飲茶..BYE BYE"........真正下次見面時已經係大酒店了.......
我依家真係覺得...原來一個幾十年的老死真係好難有嫁.....我好傷心冇左這個好兄弟.......!!!
點解事隔5年..重有咁大感慨!!......因為我係近幾年(特別06年)真的失去太多我懷念同心愛
o既東西....................發仔...貓頭.....重有5年前..我o既好老死..
希望新的好東西快D再回來我身邊...我唔想再諗返太多唔開心的事情啦.......
米
上星期五去左搵Lisa姐到測紫微斗數...睇下今年有冇運行...結果..........%@#$*%*%(
