駒歌@

星期六放左學...因屋企冇飯食...呀爸呀媽去飲...所以一個人去行街食飯....本來想去買飛睇戲...但最後竟然行左去尖咀文化中心....買左飛一條友去睇駒歌

其實之前她都問我想唔想去睇...但最後都係無左件事....到現在一個人...竟然冇心之下入場睇了.......

入到場...第一個感覺係...自己真係一條老鬼....呀叔....成班入場d人都係d 15 - 18 o既年青人.....感覺真係好怪....開始了.....除左個團長同我差唔多大之外.....演員全都是18-9歲的年青人....個劇成3個鍾....雖然佢地唔係演出得好好...但感覺得到佢地好用心...好比心機....睇得出佢地好有誠意....雖然八折都要$240.00...但都覺得值得.....

套劇個故事係講10年前黃家駒突然離開....引起一斑年青人立下志願去找尋自己的理想.....十年間由堅持...挫敗....放棄等等....都看出世間的人情冷暖.....做人的起與落....其間套劇不段會唱出beyond的歌....聽到某些歌詞....自己也十分感慨.....無奈.....回看自己17歲已開始出來社會工作....由什麼都唔識...到現在沒有停下來的點點工作....直至今年都15個年頭了.....自己從沒去跟人比較高底.......但在想自己得到過和失去過的又是什麼.......有否珍惜和把握......有否因失去而傷感......盡了力....卻失去....放棄過.....又沒回頭.......

算吧....過去的已過去了......明天一早起來又是新的一天....要向前走......為未來而努力....為爸媽....為將來心愛的另一半和兒女而發奮吧.....加油....各人都要比心機呀...